FIRST STATION-SYDNEY

一開始以SYDNEY為起點，原因係大城市，估計一來容易搵工，二來城市看來易於適應。但如果可以再選擇的話，一定唔會再作為起點，就算我們在此逗留了四個月也這樣說。悉尼跟所有地方一樣，一來到便要搵車由機場出CITY，一出機場便有人搭訕叫我們搭VAN。不過返大陸多， 總認為私家VAN多數是昆水。於是ALFRED找火車，佢又話找唔到，死死地搭VAN囉。不到十分鐘便出到CITY 的HOSTEL (後來知道搭TRAIN比VAN貴，而如果BOOK定HOSTEL，竟然有FREE TRANSPORT，唉! ) 。之前，我地係香港已開左HSBC澳洲戶口，於是立即去分行攞ATM CARD，並開ANZ戶口，方便去提錢。當中，其實最麻煩係開TAX FILE NUMBER，因為要LOCAL ADDRESS，於是打比住係布里斯本既大伯求救。最終開埋電話咭，一切手續總算搞掂。

工又未搵到既情況下，我地覺得一直住HOSTEL是十分不化算的。一般HOSTEL要AUD20一晚，一個WEEK兩個人要AUD280了。於是我們開始努力找SHAREHOUSE。不過市中心SHAREHOUSE租金太貴了，所以到SUB-URBAN找。最終係悉尼南面的TEMPE小鎮找到一間房， 兩個人AUD160一個星期。雖然出市中心要半個小時，又要買TRAVEL PASS。不過係TEMPE住既日子都好開心，因為認識好多朋友，特別係KOREA的LISA、CHRIS、HI-ONG、SCHOLES及PARK。這次話明係WORK AND TRAVEL，要WORK才能TRAVEL。不過係CITY找工唔容易，因為BOSS們一聽到WORK & TRAVEL就唔高興，知我們做唔長。結果SUKI第一份工係係EASTER SHOW做嘢，好處係日日有FREE SHOW睇，免費食快餐，以及去看下煙花，飛車及賽馬，同時又可以去埋其他同事們的檔口攞嘢食。可是，EASTER　SHOW做左11日便過去了。短期工打完要找長工，當時ALFRED已經係北面CHATSWOOD 超市穩定地做緊理貨員，悠栽悠栽，成個半工讀既留學生。見佢咁好，成日係超市偷野食，於是我又去埋同一間超市做收銀，開始係CHATSWOOD生活了。由於返工係離市中心北面既CHATSWOOD，於是我們找另一間SHAREHOUSE了，AUD200一個星期，比較貴。不過節省到車錢及時間，唔使日日坐地車橫過悉尼大橋。而屋主是一對華人夫婦，有一個BB仔，另一間房也分租比另一對香港嚟WORK & TRAVEL的夫婦。人口比較簡單，相處都可以。大家經常一齊食飯，有時打邊爐做餃子，好有家庭FEEL。收銀其實一啲都唔容易，又要記好多嘢，又要手快，星期六日忙到顛，客人好麻煩，特別係大陸移民，財大氣疏，麻鬼煩！

係SYDNEY四個月，基本上所有可以去的景點都去過，如OPERA HOUSE、CIRRCULA QUAY、DARLING HARBOUR、CHINA TOWN、FISH MARKET、WATSON'S BAY、BONDI BEACH、MANLY、BLUE MOUNTAIN。比較特別係第一次租車，係網上BOOKING，選好了車便出發，易過借火。 但途中驚險重重，我們首先去悉尼南面大城市WOLLONGONG， 點知時間失算，去到已天黑。為左第二天唔太趕，唯有開夜車。經過一條好似"秋名山"的山路段，勁多彎位。途中又有小意外，冒雨等了廿分鐘，終於九點到首都CANBERRA，係街頭露宿一宵。第二日行景點，回程本來好順利，不過交車前又有事，入完油行錯方向。最終係死線一刻交到車，真係幾好笑！