農場體驗_GATTON

係GATTON這個小鎮，我們住既地方係CARAVAN PARK。兩個人一間獨立車屋，裡面有廚房，有枱。CARAVAN PARK全是日本及韓國人天下，我們倆個香港人悶到發慍，日日數星星。 

GATTON是一個TOWN仔，用30分鐘可以行哂。有所謂的博物館，主要的SUPERMARKET、SWIMMING POOL。等開工的頭三日悶到嘔電，日日打比CONTRACTOR ROSSPER問有無工開。終於等到開工，第一日做PAINTING，好HAE的工，坐係MACHINE到然後放啲菜苗入去，等佢插入泥土。滿以為FARM WORK無想像中咁辛苦，點不知第二日CUT 生菜，第一次CUT，一個人要CUT三行，同行有兩個毛利人，一個日本女仔及一個本地女仔，個個都係熟手技工，架車永遠係我前面，割完條腰痛左成晚。

好彩判頭ROSS唔會要我日日割菜，有時叫我做PAINTING，有時又做下PACKING。臨走時仲有做埋CLIPPING，無聊但輕鬆的工作。但ALFRED 係男仔，ROSS 睇得起佢有無限既潛質，俾佢割Lettuce、Cabbage，以及貴價既菜。練得一對摩打手，成日同架割菜車比快。其實，割左一個星期也習慣了，知道割的位置一定要準才會快。如果唔係人家割一下，自己要割兩下先割到一個，一定比人慢。

係GATTON最大決定係買車，從一對台灣情侶哪邊買來的。用左AUD $ 500買，修車用了AUD1500。其中AUD $ 500係人工，難怪好好招呼。先搞手續，後註冊，最後買埋保險，架車就係我們了，這架Honda  wagon車改名為無敵"MIMI"。離開當天，竟然見到兩個香港男仔當日才到GATTON，交換了情報及互相祝福後，我們開始架車長途既流浪生活了。