西班牙

21/9 Madrid馬德理

向美洲出發前，短暫停留西班牙兩天。落機後，搭地鐵、找酒店。都係自己搞的禍，為了每晚平2蚊歐羅，找了間遠離地鐵站既Hostel，找死人了. 到hostel已下午六點。幸好這裡8 點幾先天黑，出去行超市買野食，行埋個公園睇D爸爸媽媽仔仔，返hostel 天還亮著呢! 向大家報告下，呢度D超市牛奶又香又有奶味，乳酷又精。人間美食! 返到hostel自己間3人房，除了我自己外，另外2位房客原來係女仔(愛沙尼亞和加拿大少女)。接代處人兄又話呢度男女分房，女既去女既，男既去男既。原本我個人都無所謂既，不過我唸個職員都係搞錯我和SUKI間房，否則佢間房將會有2個少男係度。自己對調房後，晚上自己間房無人，索性叫埋SUKI 過來吧!

第二日朝早遊市區景點，Templo de Debod、Palacio Real馬德理皇宮、Catedral Almodensa大教堂、Parquet del Retiro麗池公園、Plaza Mayor大廣場、Puerta del Sol太陽門、Paseo del Pradio普拉多博物館等。

而係街度用英文問人不管用，因他們唔想或唔識用英文，會答你NO ENGLISH，或者由頭到尾用西班牙文同我講野。真的不錯！連佢地都睇得出我識唔少番鬼話。 (YO“西番Y雲”, 母靚到!)