東歐

東歐真的不知去得是不是時候, 我們到達第一個目的地柏林時正值冷鋒來臨, 最凍的時候只有負八九度, 對怕凍的SUKI真係一個大考驗, 不過也因為大雪先可以欣賞到SUKI最響往的雪景, 十分矛盾.

第一站是德國的柏林, 一直對德國人蠻有好感, 因為我們之前係澳洲的WORKING HOLIDAY時認識好多德國人, 他們都好NICE, 而且英文一流, 結果他們真的十分好人, 只要我們係街上攞住地圖看一看, 他們都會立即上前問有什麼可以幫忙, 係寒冷天氣下感到十分溫暖, 他們整潔守秩序, 真係一個好城市好國家. 柏林的景點十分多, 有著名的柏林圍牆,蘇維埃戰爭紀念碑,勝利女神紀念碑, ALEXADER PLAZA等等除了栢林, 我們也坐火車到周邊城市波茲坦, 有一個美麗的皇宮, 而且是波茲坦宣言簽署的地方

我們坐EUROLINE巴士去波蘭的首都華沙, 本來七點出發, 四點可以去到, 不過因為下大雪, 所以延遲左三個鐘才起行, 而且要成晚上十點先去到華沙, 去到又搵唔到車到HOSTEL, 係十分徬徨情況下, 有對波蘭情侶好好人地帶我們到巴士站, 但落車時又找唔到路, 又係十分徬徨情況下, 有對波蘭男女好好人地帶我們到HOSTEL, 對波蘭印象十分之好.

華沙基本上可以分為新城區及舊城區, 新城區無咩特別, 感覺有啲大陸建築FEEL添, 但舊城區好靚, 好有童話的感覺.坐火車去KRAKOW, 有一個十分漂亮的廣場, 以及著名的城堡, 聽說宮崎峻的哈爾秘動城堡以佢為藍本, 真係有啲似.另一個重要的景點, 是著名的奧斯威辛集中營, 可能因為大雪的關係, 感到更加陰深, (SUKI: 明明知道戰爭咁殘酷, 點解人類唔可以吸取教訓, ALFRED: 有人的地方就會有戰爭)

從KRAKOW坐ORANGE巴士到匈牙利的布達佩斯, 布達佩斯的天氣好溫和, 係零度以上, 即刻感到溫暖左, 布達佩斯以多瑙河分隔兩邊, 我們首先上山看布達佩斯的全境, 之後行去王宮, 再到河邊的國會參觀. 第二日我們搭火車到聖安德烈, 是一個美麗的小鎮, 有很多特式的商品.而且比城市便宜.

由布達佩斯坐STUDENT AGENT巴士到斯洛伐克的BRATISLAVA, 一個平靜的城市及一個漂亮的廣場.

係漫天風雪下我們搭EUROLINE巴士去奧地利的維也納, 車程十分短, 幸好去到維也納已經停雪.下放低行李立即行景點, 維也納是一個音樂之鄉, 十分有藝術氣息. 國家歌劇院以及王宮好宏偉.

搭STUDENT AGENT去捷克的布拉格, 布拉格聞名已久, SUKI嚮往去好耐了, 真的名不虛傳, 由博物館行去布拉格廣場再行上王宮十分漂亮, 從山下的王宮向下望是一片白茫茫的雪景. 我們也搭火車轉巴士到人骨教堂, 裡面有好多人骨的雕塑及建築, 不過比想像中細.

南下CESKY KRUMLOY, 十分值得去遊覽, 從城堡望下來十分漂亮.

再返上去奧地利的薩爾斯堡, 感受一下"仙樂飄飄處處聞"的氣氛, 城市十分漂亮, 坐巴士到BAD ISCHI再轉火車到HALLSTATT, 不枉此行, 有一個漂亮的湖再加上別緻的建築, 好似走左入一幅畫咁.

去完奧地利, 我們開始南下斯洛文尼亞的旅程, 開始進入南歐了.