新西蘭冰火魔界房車遊

懷著興奮的心情, 我們到達渴望已久的新西蘭. 第一晚便參加他們的除夕倒數活動, 感受作為全球第一個踏入2008年的國家熱鬧氣氛...我們一行六人租左架八人房車, 以南島的基督城為起點, 然後向雪山MT COOK出發, 我們行左兩條TRACKS, 係夏天著住T SHIRT行雪山, 感覺特別. 晚上的星星十分漂亮, 是我咁大個女見過最漂亮的"星河"...

到達皇后鎮ERIC及RYAN有活動, 我們同WINNIE同ZOE鎮內遊, 山上望下來十分漂亮.北上WANAKA, 我們玩獨木舟, 兩個超唔配合的人同一班鴨仔嬉水...到FRANZ JOSEF冰川行, 參加左一個冰川遊行團, 雖然有齊裝備, 其實好累好辛苦, 但條萬年冰川好靚.到達HOKITIKA時, RYAN生日, 大家整左好多嘢慶祝, 有蝦, 真係好豐富(比我們平時食的), 晚上有叢林螢火蟲助慶...HANNER SPRING出名溫泉, 我們係28度下浸到大汗淋漓啊..到沿海城市KAIKOURA時大家好多活動, 我們選擇騎馬, 隻馬比想像中大, 渡河時覺得自己好有型. 這個城市也出名龍蝦, WINNIE買左兩隻自己專享, 我們其餘五人食一隻...

兩個星期的南島結束, 我們坐船去北島, 首先係首都WELLINGTON遊了一日, 再北上TONGARINO火山, 是魔戒的火山啊, 痛苦上山, 亡命落山, 行上行落用左六個鐘啊..係ROTORUA我們玩左一個好刺激的激流, 雖然個FALL無七級個個咁激, 不過對我嚟講都好激的了...另外為感受火山的奇妙. 我們參觀左WAIOTAPU, 有五顏六色的香檳池, 泥漿同間歇泉...最高潮是WAITOMO的"黑洞"之旅, 一次過滿足五個要求, 第一要遊繩落洞, 第二是黑洞中漫步, 第三是欣賞滿天彷似星星的螢火蟲, 第四是坐水泡, 最後要攀石上去, 著上一身制服, 好似五色戰隊呀..

最後一站是奧克蘭, 在這個大城市瘋狂買手信...為了省機票及住宿錢, 我們訓左兩晚機場, 覺得自己好似TERMINAL的TOM HANKS, 不過沒有遇上靚仔機師...