秘魯

14/10 lima

經過連番車程煎熬後，條腰、PAT PAT都無損，只係身心有點彼倦。同車上所有戰友(阿根廷、智利、秘魯及混種BB)分別後，我地一行4人坐的士到hostel，沖個涼，係豪華住家hostel嘆杯茶就休息下。

下午，立即搭巴士到波利維亞領使館，網上得知這是最有可能申請到簽証，結果個領使同我講”波波沒有同香港有外交連繫”，需要我透過中國申請。佢都唔薯得哂！我同佢表達了，香港沒有波波領事館，香港同中國簽証不同等。但我同時見得出他們真的不歡迎我地D中國人，不希望賺我地D旅遊收益，如網上討論區所講一樣。同行識了個中國背包客，大家都沒申請了，佢問我特區護照係南美有哪些國家要簽証，大概只有波波國吧！步出領使館後，已決定去智利、阿根廷，再到巴西吧！波波，NO WAY!之後，搭公巴到旅遊區四處影相、行街及去超市大購物，物價幾抵，同大陸差不多。回到hostel，同john、b-shop傾了進度，b-shop問波波國如果要去唔知自己要簽証否?我同佢check左南非國竟然不用特別申請，如韓國、日本、歐洲人一樣只要交少許簽証費就行。香港同中國係中等友好，交中等價錢。而美國佬阿john就交最貴，所以佢從來無打算去。佢話，美國同南美國家唔太friend，特別係巴西。之前，巴西原本免簽証美國人，但美國要巴西人簽証，所以後來巴西簽証費係最貴既。但係d南美人最仲意就係，….美金….美金，真諷刺。之後，我地、阿john計劃一同後天到另一城市cusco，向他心目中人生必到景點，馬丘比丘進發。

豎日，我們去了遊市區景點，教堂，……亦去了central market、chinatown購物。食了雪榚、好味薯餅，買了預寒衣物鞋等等。直到晚上10點多才回hostel。

行左CENTRAL MARKET, 煮左個意粉便等晚上七點的巴士去PUNO了.PUNO有一個全世界海拔最高的湖, 我們早上去到, 找到HOSTEL便立即參加團坐船去游湖, 首先去FLOATING ISLAND, 有蘆葦草的屋及船, 之後去TOQUALLE, 食左一個好貴的LUNCH. 終於完成秘魯的行程, 不知不覺係秘魯逗留十數日, 可參選的景點實在太豐富了, 買到去邊境城市TACNA的車票便走人囉....

第三日朝早，我地豪華超舒適tepso巴，又有車上服務員，又有舒適FLY機椅及電視。然而，這一趟是20小時，彎又多，兜來兒去，好彩有TEPSO。

來到印加古首都CUSCO, UNCLE JOHN又話HOSTEL會有人接我們, 結果等左半個鐘人影都無個, 於是自己搭的士. 來到CUSCO當然係去非常出名的馬丘比丘啦, 問過好多人的意見後, 終於得出最貴的方法係跟團, 最平係搭的士去OLLANTAYTAMBO, 再搭最平的火車去AGUAS CALIENTES, 再搭巴士去馬丘比丘 (唔好以為跟TOUR行去最平, TOUR一啲都唔平, 而且ALFRED平生最討厭行山的了, 仲要行三四日, 要左佢老命了)

終於, 我們再伙同 UNCLE JOHN一齊出發去佢最神往的馬丘比丘了, 我們包左架的士去OLLANTE, 的士UNCLE人相當不錯, 沿途見到有LAMA, 停車比我們影相.之後再搭火車去AGUAS CALIENTES, 係一個古色古香的鎮仔.馬丘比丘真係名不虛傳, 好壯觀啊, 本來早上還在下雨, 幸好天公做美, 11點多就停雨, 而且出太陽添, 影相影到1點多便返HOSTEL, 再經沿路返CUSCO.係CUSCO的最後一日, UNCLE JOHN約我們一齊去診所打黃熱病針, 但我們認為公共醫院可能有免費打針, 於是去看下, 其實打針係免費, 不過疫苗要自己買, 有個好心人車我們去買, 不過無貨, 結果又無打到...