智利

由PUNO去TACNA的下山路超辛苦, 因為一晚之間落左2000米, 隻耳好痛再加上傷風, 所以好辛苦. 近日出既時候臨近TACNA, 地形特別, 細心留意下可見到一些軍事設施及防線, 因為此地原本是玻利維亞唯一的可以通往港口既地方, 後來打仗敗了, 自自然然就被戰勝國(秘魯和智利)瓜分了.

抵達國內巴士線TACNA 終點站後, 再找過境巴士由TACNA去智利的ARICA鎮, 全靠Alfred 施展問路技巧, 一下子便過了兩個關口.  而係ARICA的巴士站經過一輪格價後, 終於找到最平的巴士去聖地牙哥. 雖然要坐厠所位隔離, 不過好在28個小時內一日三餐全包...而且沿途景色好靚, 左邊窗口可看到宏偉的安第斯山脈, 右邊看到太平洋. 高聳的山脈就這樣保護著智利狹長的國度, 形成這個絲帶國度. 後來仲睇到北面既銅礦場(有礦難既地方!), 而且仲有個巨型可口可樂標誌, 蠻特別的....來到首都聖地牙哥坐METRO去HOSTEL, 之後又做我們日日做的事----去超市. 感受到智利的物價唔低, 不過我地買左隻roasted猪手吃, 爽呀!

第二日, 原本打算跟FREE CITY TOUR, 不過過左時間, 爽性自己跟個FREE TOUR ROUTE行, 景點都是一樣的, 當中著名景點有國會同教堂, 購物集散區, 醫院等. 而國會出面就展示礦難時救人的機器, 市民同遊客大排長龍合照, 可以見到他們對啲件事好自豪. ALFRED講起香港有所謂的時事評論員話 " 智利同中國都係第三世界國家, 質疑點解智利做到但中國每次磺難都救唔到人, 仲話中國要感到汗額喎"..我們認為要汗額的係佢地至真, 請佢嚟智利一轉, 仲會唔會話人係第三世界國家..對聖地牙哥的城市建設感到不錯, 話哂都係南美洲的巴黎, 時尚得來又好有文化. 啦, 呢D就係見識啦, 見過就不會被D香港所謂評論員騙左都唔知.

可惜只係短短逗留數天, 我們便坐巴士去阿根廷的MENDOZA了, 如果唔係可能可以發掘到更多優點..