哥倫比亞

6/10 波哥大,

係邁阿密機場發生大檸樂事件, 原來book機票時無reply email confirm, 所以無機票走, 係十分頭痛時, 一個美國哥哥出現打救我們. 佢係一個典型係美國電影常出現的大大份美國人(貌似日日食漢堡個隻). 佢不斷幫我們張羅機票, 終於可以加少少錢買到同一集團遲一個鐘的機票, 對美國印象大大加分(好現實架)..而且架機好正, 仲有當時上緊的”sex and the city”睇, 而好可惜的又係達仔訓到成隻死pig咁...

過海關時, 個姐姐好似未見過特區護照咁, 又要叫個senior出嚟左check右check(主要係check我們要唔要簽証啦), 不過今次唔係好似cancun咁要入房坐下, 順利過關沖去hostel梳洗一下又指定動作去超市, 超市十分大, 包羅萬有, 不過物價比想像中高囉.

又係電影影響, 總覺得哥倫比亞好亂, 好多罪惡, 其實人家生活十分平靜, 最令我驚喜的係啲到靚仔指數十分高, 梗有一個係左近, 而且熱情如火, 就算他們英文唔好都主動交談, 有學生也有阿兵哥, 有個阿兵哥哥步操時同我打眼色, 我有比佢電親囉.

哥倫比亞也是因為比西班牙統治過的關係, 留下很多西色建築, 也融合南美風格. 不過旅程始終都要有啲阻滯, 厄瓜多爾竟然出事, 發生動亂, 我們原先預定的路線行唔通了, 厄瓜多爾一定無得停留, 問題係要諗點走, 連續兩日走去巴士總站問, 值得一讚係他們雖然都係英文唔好, 直頭溝通唔到過隻, 但都落力幫忙, 仲會發散人手問邊個識英文, 最後hostel的靚仔東主幫我們打電話問到有巴士(提外話, 我們係波哥大認識一個逗留左兩年的香港女仔, 靚仔東主係佢ex, 我明白佢點解可以逗留兩年了唔想返香港),

結果係我倆跟一個美國伯伯john及南非哥哥b-shop一齊出發去邊境城市, 過左境再轉巴士去秘魯的利瑪了, 一個奇怪的組合.