23/9 Cancun
我們終於踏足遙遠的美洲大陸，幸好我地沒有消失於百慕達三角洲，沒有遇到加比海盜，但落地時卻遇上墨西哥CANCUN既海關，因他們不知道我地來自於東方(拿拿星)國度，本來想下午近6點落機後，隨即拿拿淋去搵公車到市中心。但係就俾佢地欄左我地粒幾鐘，又上網睇、又打電話去總部問香港，需簽証否? 待他們祝福過我地旅行順利後，8點由機場搭旅遊車到市中心ADO BUS STATION。買2個墨西哥杯麵後，微雨下坐的士到hostel，費用由HOSTEL支付。10點幾還哨杯麵既我地，係大廳到同個長髮美國佬傾計。佢熱情地播美國搞笑TALK SHOW，但主持人口音同他一樣，又快又slurred。嘩，英文黎架!仲以為外星人來了墨西哥，忘記了羅玆威爾。還記得我向他介紹了香港，佢又講到美國國勢下降，中國愈來愈強大。初次同美國佬用英文交流，明一D又唔明一D。我覺得用英文同墨西哥屋主傾計還好。But I figured that I need more time to pick up American English. Right?
第二日，由巴士總站搭2粒鐘向南方既TULUM出發，然後我地唔坐的士，去找平價VEN仔，路在口邊無錯既！參觀了這個面向加勒比海，位於懸崖邊既瑪雅城市，感覺不錯，好似" 懸崖上的波兒" 拍攝場地咁。雖然景點面積不算大，約近維園大細，但面向崖邊，要魚有魚，要LIZARD有LIZARD(周圍都係)，要BIKINI女郎有BIKINI女郎(因遊客可即時到崖下既海灘暢泳)，然後包條毛巾上來做咸魚。而我地要既係周圍拍照，直到佢地清場為止。皆因，加勒比海風光明味，無與倫比嘛！
第三日，行程改為市內遊，行遊客攤擋、超市、找換店、連鎖式商場、影相，輕鬆自在。第四日，向西面出發，去了著名既奇琴依察Chicken ITZA。路程原來不短，公路建於森林中，搭近4粒鐘先到遊客停車處。當我地於下午3點半入場，知道5點鐘要清場時。我地唯有把握時間，SUKI先打扮成公主LOOK，我打扮成公子LOOK，而唔係prince?結果佢成功搶到大道兩旁攤擋既哥哥仔目光，個個讚佢，pretty queen、cinderella。景點內，中心區域為著名大壇，然後向四邊引伸路徑到其他壇或深淵，相當不錯，只可惜現在已不許遊客爬上中心大壇。否則，我必定如ARROW般沖上去。最後，如一般遊客試試回音位置，大叫幾聲便是了！
28/9San Cristobal
不知兜了幾多個彎，跨多少個山，去到山匯交界的歷史名城。抵車站後，由我帶路去hostel。找hostel搵超市，已是列牌行動了。豎日，我們穿梭於小鎮東西南北景點，步行街，買手信買頸巾，由山上教堂到教西牙文教室(約90-150美元/星期)，無處不去，仲之唔使錢既景點，哪有不去既理由。原來不只我們，去山上教堂時撞見同hostel既瑞士人，寒喧幾句。原來他國學校必修英文，另外由於近德國和法國，亦要求學生其中選一科，他擇了德文。然後，曾於南美讀西班牙文3個月，現在4國語言皆可。不過，他提到只讀不用不可說得流利，故周遊時用多了德文同西班牙，現在好了很多。傍晚，回hostel，suki同對面床意大利叔叔傾計，叔叔既南歐語言似乎與英文不相配，講英文都好很得意，估估下又估到佢講乜。不過見佢用西班牙文同歐洲人溝通又得喎! 其中有德國人、安道爾(法國與西班牙中間既小國)、西班牙人。煮了點東西哨，也吃了他剛從外邊買回來既PIZZA，我想他是特意招呼大家吃的。另外，交換facebook、睇下佢d周游列國相也不少得，原來他已游了七年時間，間中接下富貴工，去教人潛水。
第三日，市內又周圍去，同大家說說再見後，搭車長途車到mexico city 去。
28/9Palenque
第五日，下午5點離開CANCUN向中部的PALENQUE去，車程14小時，長途車由此開始。近9點，遊山中既瑪雅文化城鎮。環境不錯，很多偉大建築。由於我地首批入場，周圍遊客不多，拍了很多靚相。離開時，德國旅遊團也來這裡，人也多了。搭車落車回車站，買了11:40AM 到另一山城交匯處SAN CRISTROBAL。車站內無聊，同個以色列背包客吹水，互相請教打招呼說話。佢示範寫希巴來文我睇，好一個鬼劃符，只記得由右寫向左。另外，我原本想問佢為什麼中東見不到和平，但最後只談到當兵問題及以色列人也愛周遊見識。幾分鐘之後，他用以色列話同剛抵車站2個背包客講野。YO，原來是以色列人。
2/10Mexico City
由S到墨西哥城既車程大概應該是14個小時，但由於係半路開始塞車，結果車上一套電影接一套電影，至少播了八、九套，係車上停留左2晚共36小時，2.10.10朝早七點才到城內。就這樣，我陪SUKI整天渡過她的生日，沒離開過她一步。車上只吃了自行帶既麵包、餅乾。而下車到公路店舖休息時，有個年青媽媽竟走到我面前，給我兩包朱古力，我開頭仲以為佢想賣我兩包朱古力，所以我兩手婉拒她。但感覺到不似之後，只拿在手而不吃，看她是否要我錢。我諗這就是香港人既想法了，大家都唔識為乜請我食野，仲係唔係便宜牌子朱古力，莫非見我地靚仔靚女，唔請食檸MO，食朱古力。結果，多謝她後，我地上我地既大車，佢又上佢既車，因為我地唔同車。第一眼見到外國人，就請食野，我諗如果係香港見到外國人，我請食乜好，不如食中國特產，加應子吧！因為佢又唔識講英文，大家笑笑口，就告別了！到市區搭地鐵到hostel，執野、梳洗後，然後城市遊，去了博物館區的國家博物館museo nacional de Antropologia，好多野睇，古歷史及近代墨西哥屈辱史，被美國既連番侵佔，可悲！亦行了公園Zaalo哪邊，可能係周未，很多特色攤當及遊人，攤不錯呢！晚上去左zona rosa區食牛扒補！補祝生日。
第二日，食過hostel早餐後，搭地鐵轉公巴到Pyramids of Teothuacan(墨西哥金字塔)。上車前，見到有人係車站邊一路炸薯仔片，一路炸，炸出來就係墨西哥自家製薯片啦，緊係買番包來啃，味度不錯野！我地係景點度上塔、落塔，如是者，日塔、月塔、最大個個塔等等。塔上風大，景色開揚，全鎮景觀盡收眼底，100% 值得去。買了手信、披肩。但中途拍照拍片時，唔知係唔係金字塔群磁場過大，SD 卡出問題，生怕之前既相就咁消蕉。回到HOSTEL，即時下載軟件，實行保住相片大行動。係hostel 都識左不少背包客，英國及德國既多，佢地仲教左suki整芝士番茄意粉。作為平價hostel背包客，大家都係周圍去，亦記得有個英國仔到澳洲一年backpacker。唓，我都係啦！不過，我不會好似佢地來墨西哥旅行都一個月，因為我無錢無時間，我係香港人，哈哈！而外出搭地鐵時，可能d人真係知我地係香港人，d當地人會眼定定望住我地，感覺幾特別！
時間唔多金錢唔多既我地，第3日去左機場擺位，因為一早決定訓機場，煲劇集PRISON BREAK。不過，都有不少背包客陪我地，有個年青歐洲女背包客仲問我，明日早上既機，可否早一晚check in。我心諗，下咁都得， “鬼” 知啊！不如妳試下，我跟妳呀！最後，佢跟左我地用大披肩及睡袋包住身體，係間離張bench，好似木乃伊咁…訓左晚。
