ON THE WAY PART1- 由布里斯本到墨爾本
由GATTON開始，先經布里斯本，悉尼，再到達墨爾本是第一次流浪的日子。每晚睡在車上，找地方沖涼，自己安排妥當。
其實，兩個人流浪的日子並不浪漫，而且好多嘢煩，煩入油，煩搵路，煩泊車，煩找地方沖涼，煩找地方瞓，煩架車有沒有唔妥。不過，自己駕車周圍去又真係方便好多，唔使成日執行李，唔使找交通工具，唔使搵地方住，真係省左啲兩個龐大開支。最重要係可以決定行程，去多左好多地方，見識更多更廣，體會更深更透切。
由布里斯本到悉尼，我們走沿海路線，由COFFS HARBOUR, PORT MACQUARIE, NEWCASTLE都有靚靚BEACHES。由悉尼到墨爾本走內陸，其中兩個INNER CITIES作短暫停留，GOULBURN出產羊毛，ALBURY有個古老的火車大樓等等。
